88
Báhtareaddjit
Juohke beaivvi báhtarit olbmot ruovttuineaset. Eai goassege
ovdal leat leamaš nu ollu báhtareaddjit nuppi máilmmesaođi
maŋŋá go 2000-logu álggus. Rehkenastojuvvon leat sullii 40-
50 miljovnna olbmo ja diein leat 30 miljovnna báhtareaddji
iežaset riikkaid siste. Eatnašat leat báhtaran siskkáldassođiid
geažil.
• Nuppi máilmmesoađi maŋŋá šadde 45 miljovnna ruovt
tuid haga.
• Go Pakistan vuođđuduvvui sierra riikan 1947, mii ii lean
India miela mielde, šadde 15 miljovnna ruovttuid haga ja
1 miljovdna jápme.
• Go ovddeš Jugoslávia háddjanii 1990-logu álgogeahčen,
de dat dagahii ahte ollu báhtareaddjit golgagohte
Eurohpás. Birrasii 650 000 báhtareaddji ledje boahtán
eará Eurohpá riikkaide. Ovdal go ráfisoahpamuš
dahkkojuvvui 1995:s, de ledje 1.3 miljovnna Bosnia ássiin
šaddan báhtareaddjin iežaset riikkas.
Eanemus báhtareaddjit geafes riikkain
Nu go lea namahuvvon de ledje ovdalis áigge eanaš báh
tareaddjit Eurohpás. Otne ásset 90 proseantta báhtareddjiin
geafes riikkain. Ollugat báhtarit ránnjáriikkaide sođiid geažil.
Badjel bealli máilmmi báhtareddjiin leat vuollil 15 jagi.
ON ja báhtareaddjit
Ovttastuvvan Našuvnnain (ON:s) lea ovddasvástádus
máilmmi báhtareddjiid hárrái. Buohkain geat leat ožžon
ON:s báhtareaddji stáhtusa, lea dalle vuoigatvuohta oažžut
suodjalusa ja veahki ON:a miellahttoriikkain.
