Čiekŋudeapmi
1 Maid leat sisafárren kultuvrrat buktán Norgii? Ráhkat
čoakkáldaga mii čájeha mo musihkka, biktasat,
láhttenvuogit, dánsa, filbma, ustitvuohta, skuvla jna. leat
váikkuhan dasa, dannego mis lea máŋggakultuvrralaš
servodat.
2 Govahala ahte don leat olgoriikkalaš ja boađát Norgii.
Čále reivve ruovtturiikka fulkkiide ja muital sidjiide mo
don leat birgen dan ođđa riikkas.
3 Máilmmi báhtareaddjit:
a Geavat historjjá girjjiid ja gávnna historjjálaš
ovdamearkkaid mat leat dahkan ahte olbmot leat gártan
báhtarit.
á Makkár molssaeavttut leat olbmuin báhtareapmái?
b Guorahala maid ON bargá máilmmi báhtareddjiid
ovddas. Makkár eará organisašuvnnat barget
báhtareddjiid ovddas? Maid barget dat? Gos barget
Norgga organisašuvnnat?
4 Ráhkadehket seaidneáviissa dáid dieđuiguin.
Maid mearkkašat leat minoritehtan?
Maid mearkkaša leat minoritehta Norggas.
Guorahallet makkár organisašuvnnat gávdnojit Norggas.
GUORAHALLAN
«Gos leat mis fuolkkit?» Guorahala lea go oktage sogas fárren
dahje migreren Norgii, Amerihkkái dahje eará riikkaide, ja
makkár sivaid geažil vulge sii dohko. Leat go sis leamaš
oktavuođat ruovtturiikii?
95
