91
Olbmuid suollefievrrideapmi
Olbmot vulget johtui ovdamearkka dihtii Afrihká geafes
riikkain ja mákset stuorra supmiid suollefievrrideddjiide vai
besset eret geafivuođas ja bargguhisvuođas.
Olbmuid suollefievrrideapmi ordnejuvvo hui suollemasat.
Dávjá leat dát mátkkit hui heakkaváralaččat.
Mátkkálaččaide ordnejuvvojit lobihis báhpárat ja galget
oahppat gielis muitalusaid bajil maid sii galget geavahit
go jovdet ođđa riikii. Doppe galget de ieža birget, dasgo
suollefievrrideaddjit gal leat juo mannan ruovttoluotta.
Olmmošgávppašeapmi
Olbmuid suollefievrrideapmi lea issoras dahku. Olmmoš
gávppašeapmi lea vel vearrát, dasgo olbmot vuvdojuvvojit
dego gálvun. Nuorra nieiddaide lohpiduvvo bargu dahje
oahpahus. Muhto go jovdet mearriduvvon báikái, de
bákkohuvvojit fuorástit.
Mánát lohkkaduvvojit dahje lássejuvvojit fabrihkkalanjaide
ja bákkohuvvojit earret eará gođđit ránuid ja ráhkadit
gápmagiid. Várra gáddet sin váhnemat ahte sii vázzet skuvl
la. Sáhttá leat nu ahte váhnemat leat vuovdán mánáideaset
fabrihka oamasteaddjái. Dat maiddái dáhpáhuvvá.
Maiddái Norggas dáhpáhuvvet dávjá olbmuid suollefievrri
deapmi ja olmmošgávppašeapmi. Dás namahit olgoriikkalaš
fuoráid geat fállet fuorrabálvalusaid Oslos ja eará gávpogiin.
Politiijat geahččalit oažžut čielggasin dáid fuorrabálvalusaid.
Mo galgat eallit ovttas?
Go galgat eallit ovttas, de fertet doallat das mii midjiide lea
dehálaš min iežamet kultuvrras. Muhto mii fertet maiddái
oahppat heivehit iežamet earáide.
Go mii leat olgoriikkas, de fertet ovdamearkka dihtii
doahttalit árbevieruid mat leat dan riikkas. Seamma láhkai
