Amanda Magdalena ja Nils Paul Xaviar govvejuvvon mánáideaskkaguin
1890-logus.
Nils Paul Xaviar Tornensis (1839-1918)
85
Nils Paul Xaviar Tornensis lei riegádan
Guovdageainnus. Son lei skuvlačeahppi.
Son váccii Romssa oahpaheaiskuvlla 1858-
1860 ja oaččui buriid árvosániid. Dárogielas
son oaččui «bedste Karakter».
Son álggii oahpaheaddjin Guovdageidnui
ja lei doppe sullii jagi – 1860-1861. De
son fárrii Ivgui ja barggai doppe sihke
oahpaheaddjin ja luhkkárin 1862-1873. Jagi
1867 son náitalii báhppanieiddain gean
namma lei Amanda Magdalena Norum,
Álaheajus eret. Soai oaččuiga ovcci máná.
Dan botta go orui Ivggus, Nils Paul jorgalii
dárogiel lohkangirjji sámegillii. Dárogiel
lohkangirjji lei doaimmahan Chr. Kaurin, gii
lei Romssa oahpaheaiskuvlla oahpaheaddji
ja maŋŋá rektor.
Jagi 1873 Nils Paul Xaviar bearrašiinnis fárrii
Amerihkkái. Doppe son logai teologiija ja
barggai báhppan sihkeMinnesotas ja Iowas.
Son jámii Portand-gávpogii Washington-
stáhtas gosa soai eamidiinnis leigga fárren
1904:s.
