79
Máŋggakultuvrralaš
servodat
Dán oasis galggat oahppat
• rasismma máŋga ámadaju
• manne leat ollugat báhtarusas odne
• iešguđet ovttaseallinvuogit máŋggakultuvrralaš
servodagas
Servodat gos leat máŋga kultuvrra
Sirdolašvuohta dahje migrašuvdna, mii lea seamma go
olbmot fárrejit riikkas olggos ja sisa, lea dahkan ahte olbmot
deaivvadit. Sápmelaččaid gaskkas lea áibbas dábálaš ahte
leat fuolkkit nuppi riikkas dego Suomas, Ruoŧas, Norggas ja
Ruoššas.
Olbmot geat fárrestallet rájiid rastá, váldet maiddái mielde
iežaset kultuvrra ođđa riikii. Nie leat maiddái boahtán
ođđa gálvvut ja vierut. Sánit maid mii jáhkkit ahte gul
let davviriikkalaš váldoálbmogiidda, leat boahtán eará
guovlluin. Ovdamearkkat leat sánit dego «sohkar», «maga
siidna», «soffá» ja «villa» boahtán arábialaš gielas. Dárogiel
sátni «møbel» lea boahtán fránskkagielas ja «kompis» fas
ruoŧagielas. «Fotball» lea fas eaŋgalasgiela sátni.
Viehka ollu sámegiela sánit leat boahtán vieris gielain. Sátni
gahpir
orru vástideamen suomagiela sátnái «kypärä», mii lea
jealbma.
Šávká
-sátni lea eahpitkeahttá boahtán ruoššagielas,
«sjapka», mii mearkaša gahpir.
※
