Servodatoahppu 8-10 - page 74

72
Borgárlaš vihaheapmi
1918:s addui borgárlaš vihaheami láhka mii lea sin várás geat
eai gullan stáhtagirkui dahje eará oskusearvái.
Borgárlaš vihaheapmi nanne náittosdili lágalaččat. Otne ollu
olbmot válljejit dattetge borgárlaš vihaheami vaikke gullet
ge stáhtagirkui. Borgárlaš vihaheami dahká diggegotti
duopmár dahje gávpotfáldi.
Jus náittosdilli gillágoahtá
Doaivvu mielde Piera ja Ánne guoktáin manná bures sudno
náittosdilis, muhto eat dieđe gal vissásit. Statistihkka čájeha
ahte earráneapmi lea hui dábálaš Norggas. Leat measta
miljovnna beali máná vuollil 18 jagi geaid váhnemat leat
earránan.
Manne son nu ollu bárat earránit? Lea árvaluvvon ahte nuor­
ra bearrašiidda lea máŋgii váttis ásahit dállodoalu. Viesut
leat divrasat, ja lea divrras doallat mánáid mánáidgárddis
dahje skuvlla astoáiggeortnegis. Váhnemat šaddet bargat
garrasit vai suitet máksit buot goluid.
Dasa lassin lea bargoeallin máŋgga láhkai šaddan hui
gáibideaddjin. Ferte rahčat garrasit jus galgá lihkostuvvat.
Buot dát sáhttet de dagahit ahte dilli garrá ja náittosdilli
gaikána.
Mo dáhpáhuvvá earráneapmi?
Jus áigu earránit, ferte vuos álggus
sierranat
unnimusat
jahkái. Dán áigodagas ferteba orrut sierra.
Sierrananáiggis ii leat lohpi ođđasit náitalit danne go
goappašagat ain leaba náittosdilis. Sivvan dasa lea ahte bár­
ra galgá beassat jurddašit sudno dili hárrái. Soai sáhttiba
fas hui fargga fárret oktii. Jahkásaččat leat birrasii 2000 bára
geat dan dahket.
Jus leat vuolleahkásaš mánát, de ferte náittosbárra boahtit
soabadeapmái,
ovdal go ohcaba lobi earránit.
sierranit:
separere
soabadeapmi:
mekling
1...,64,65,66,67,68,69,70,71,72,73 75,76,77,78,79,80,81,82,83,84,...340
Powered by FlippingBook