Servodatoahppu 8-10 - page 67

65
Islam ja ráhkisvuohta
Máŋgga muslimlaš bearrašis mearridit váhnemat geaiguin
sinmánát galget náitalit. Dábálaččat dat dušše dohkkehuvvo
– sin mielas dat galgá leat nu.
Iešválljejuvvon dahje lágiduvvon náittosdilli
«In mun leat náitalan ráhkisvuođas, muhto lean náitalan
iežan vilbeliin praktihkalaš sivaid geažil. In jáhke ahte
náittosdilli lea dat seammá jus ovdal náitaleami lea anašan. Ii
han dalle leat masa oahpásmuvvat. Min mielas náitaleapmi
lea dego juovlaskeaŋka, man don rabat juovlaruohta! Mii
velá lea báhcán náittosdillái jus rabat dan ovdal áigge»,
dadjá muhtun muslima nisu go muitala iežas lágiduvvon
náittosdili birra, man váhnemat leat lágidan. Lágiduvvon
náittosdilli lea juoga man váhnemat lágidit ja man nuorat
dohkkehit.
Nu lea leamaš maiddái Norggas gitta 1900-logu álggu rádjái.
Dalle lei áibbas dábálaš ahte lágiduvvui náittosvuohta, ja
dábálaš lei ahte náittosbáras lei sullii seamma lágan sosiála
ja ekonomalaš duogáš. Muhto nu mo dál ge, de olbmot
dalle ge ráhkástuvve. Muhtumat eai háliidan náitalit suinna
gean ledje lágidan náittosguoibmin, dan botta go earát gis
ráhkástuvve sutnje gii lei válljejuvvon náittosguoibmin.
Bággonáittosdilli
Norggas gávdnojit dál ge nieiddat geat leat bákkohuvvon
dahje dájuhuvvon bearraša ruovtturiikii ja doppe leat
náitojuvvon. Muhto dábáleabbo lea ahte moarsi dahje irgi
vižžojuvvo ruovtturiikkas ja náitet sutnje gii lea bajásšaddan
Norggas.
Norgga lága mielde lea bággonáitin lobiheapme. Lági­
duvvon náittosdilit gal leat lobálaččat, muhto dávjá lea
eahpečielggas mii lea lágiduvvon náittosdilli ja mii lea
bággejuvvon. Nuorat gal dábálaččat dohkkehit dán lágan
náittosdiliid, danne go lea váttis vuostálastit. Muhtumin
sáhttá leat heakkavárra vuostálastit váhnemiid dáhtu.
1...,57,58,59,60,61,62,63,64,65,66 68,69,70,71,72,73,74,75,76,77,...340
Powered by FlippingBook