86
Sirdolašvuohta Eurohpái
1960-logu rájes lea leamaš sirdolašvuohta dahje fárren
Eurohpái ja Eurohpá siskka bealde. Muhto ii fal eretfárren
Eurohpás. Go Oarje-Eurohpás lassánii industriija, de maiddái
dárbbašuvvui bargofápmu. Dalle bohte bargoohccit geafes
riikkain, dego Greikkas ja Portugalas, ja eará máilmmeosiin.
Frankriika, Vuolleeatnamat ja Englánda vižže miljovnnaid
mielde bargiid iežaset ovddeš koloniijain. Dán lágan fárren
gohčoduvvo
bargofárremin
.
Bargu ja buoret ekonomalaš dilit leat leamaš bargofárrema
sivvan. 1980- ja 1990-jagiin leat badjel miljovnna olbmo
fárren geafes riikkain rikkis riikkaide.
Sirdolašvuohta Norgii
Gitta 1960-logu rádjái ledje olgoriikkalaš inšenevrrat, mear
raolbmot, olbmot geat barge gávppiin ja boradanbáikkiin,
boahtán Norgii. Muhto 1960- ja 1970-jagiin dárbbašuv
vojedje bargit industriijii. 1970-logu álggus bohte ollu bargit
Pakistanas.
Norgga eiseválddit čađahedje sisafárrengildosa 1975:s. Ii
lean šat nu stuorra dárbu ođđa bargiide. Dan maŋŋá lea
dušše rahpasan
bearašovttastahttin.
Dat mearkkaša ahte
lagamus bearašolbmot sisafárrejeddjiide geat leat ožžon
ássanlobi Norgii, sáhttet fárret deike.
Fárrengielddus ii guoskka ássiide geat ásset Eurohpás,
go Norga lea čadnon Eurohpalaš uniovdnii, EU:i, EØS
soahpamuša bokte. Olbmot EU-riikkain sáhttet ohcat barggu
Norggas, ja norgalaččat sáhttet dan dahkat EU-riikkain.
Dál lea dilli nu ahte leat measta dušše asyl-ohccit ja báhta
readdjit geat bohtet Norgii.
