99
• Gávdnojedje morálalaš ja juridihkalaš norpmat mat leat
oktasažžan buot olbmuide. Leat danin lágat mat leat
bajábealde olbmuid ráhkadan lágat.
• Dát lágat, mat leat bajábealde olbmuid ráhkadan lágat,
gohčoduvvojit
luondduvuoigatvuohtan
, dahje lunddolaš
láhkan.
• Luondduvuoigatvuohta guoská buot olbmuide danin go
buohkain lea seammalágan jierbmi.
Lunddolašvuoigatvuođavuođđojurdagiin lea leamaš stuorra
váikkuhus eurohpalaš filosofaide gitta otná beaivái. Das
lea maiddái dehálaš mearkkašupmi olmmošvuoigatvuođa
vuođđojurdagii.
Stoisisma
lea filosofiija. Romalaččaid filosofiija lei stoisisttaid
filosofiija. Greikkalaš filosofa Zenon vuođđudii stoisismma.
Zenon riegádii Larnaka Kyprosas birrasii 336/5 o.Kr. ja jámii
Athenii birrasii 264/3 o.Kr. Mii lea stoisisma ja mii lea stoisismma
filosofiija? Stoisisttat áŋgirušše gávdnat vástádusa čuovvovaš
gažaldagaide:
•
Mii lea duohtavuohta, ja mo dan juksá?
•
Mii lea univearssa álgu? Seaguhit go ipmilat olbmuid
eallimii?
•
Mii lea olbmuid luondu, ja makkár geatnegasvuođat leat
olbmuin ja mii lea olbmuid eallinvuorbi.
Athera skuvla, gos ee. Zenon
logaldalai stoisismma birra.
