Ovttastuvvon teavsttat leat teavsttat main leat máŋga elementta. Das lea sihke teaksta ja govat ja sáhttet vel leat jienat ja ealligovat. Visot dát buvttadit ja dahket dieđu jierpmálažžan ja álkibun áddet. Ovttastuvvon teavsttat sáhttet leat máidnosat, sárggusráiddut, govvagirjjit, neahttasiiddut dahje teavsttat main leat ollu govat, nu mo oahppogirjeteavsttat. Mii leat nehttii bidjan ovtta modealla (Guovža) ja ovtta teavstta dehkiid ja dávttiid birra maiguin oahppit sáhttet bargat. Das galget sii bardit govaid tekstii nu ahte dat heivejit fárrolaga. Mii ávžžuhit datte ahte oahppit sáhttet válljet čállit ovttastuvvon teavstta juoidá iežaset beroštumiid mielde, omd biilla, skohtera, heastta, spábbačiekčama, čuoigama, sihkkela dahje eará.
