Morihin iđđes geađgi čoavjjis. Mun ferten válljet, ja mun dihten mo galggašin válljet. Sáhtten ainge šaddat ođđa Petter Northugan. Sáhtten šaddat doarvái buore beassat riikajovkui. Juos áŋgirušašin garrasit ja bisošin dearvvasin, de dat sáhtašii leat vejolaš. Nu lea dáhpáhuvvan máŋgga finnmárkulažžii ovdal: Vegard Ulvangii, Kristin Størmer Steirai, John Kristian Dahlii... maninbat nu ii sáhtášii dáhpáhuvvat munnje maid juos beare ražašin doarvái garrasit? Bássačuojahemiin lei veahá eará láhkai. Sáhtašin gal dieđusge álo čuojahit bánddas, muhto in fal eallit dainna. Muhto Márjjáin lei aiddo nuppe gežiid. Son sáhttá šaddat stuorisin. Buohkat dihte dan. Márjjá jietna. Márjjá šuoŋat. Márjjá imašlaš teavsttat. Márjjá suonjardeapmi. Sus lei visot maid artista dárbbaša. Juos son háliideš, de sáhttá šaddat dakkárin gii ealášii musihkain. Muhto háliidiigo son?

-Gula mat Jovsset, miihan bargat ovttas dáinna daningo mii liikot dasa! Don it sáhte beare heaitit bánddas! Son dajai go muitalin sutnje iežan válljemis.

-Muhto Márjjážan, mun in leat don. Don čuojahat dego eŋgel...

 

Mu vástádus	Mun jáhkán nu danne go...
1.    Son lea gánda	·         Danne go son lohká ahte son sáhttá šaddat ođđa Petter Northug.   ·         Márjá gohčoda su Jovssetin
2.    Čuoigan ja bánddas čuojahit	·         Petter Northug, Kristin Størmer Steira ja Vegard Ulvang leat čuoigit   ·         Teavsttas boahtá ovdan ahte son čuojaha bássa bánddas ovttas Márjjáin.
3.    Iđđes	·         Son muitala álggus ahte son morihii iđđes.   ·         Soaitá vel ahte dát lea dálvi, go son árvvoštallá maid son galgá válljet.
4.    Skihpáraččat dahje moarsi ja irgi	·         Soai ságastallaba iđđes ovttas, seaŋggas, jáhkán mun
5.    Siri Broch Johansen	·         Dat čuožžu vuolimuččas.