Čáppagirjjálašvuođateavsttat leat dat teavsttat maid skuvla árbevirolaččat lea deattuhan lohkanoahpaheamis. Čáppagirjjálašvuođateavsttat gáibidit buorre lohkanáddejumi ja lohkangelbbolašvuođa viežžat ja árvvoštallat dieđuid mat eai muitaluvvo njuolga muhto ihtet linnjáid gaskka. Dán dásis oahppit aktiivvalaččat geavahit iežas duogášdieđuid ja vásihusaid logadettiin. Čeahpes lohkkit ja lohkkit geat lohket ollu, dohppejit dán hui álkit ja sáhttet návddašit teavsttaid govvidemiid ja máŋggabealatvuođaid nu go bálddalas dáhpáhusaid ja molsašuddi áigeperspektiivva. Mii fállat teavstta maid oahpaheaddjit sáhttet modelleret ohppiide ja teavstta oktan bargobihtáin maid oahppit ieža sáhttet iskat. Dasto sáhttibehtet lohkat nuoraidnoveallaid ja nuoraidrománaid ja digaštallat ja árvvoštallat daid.
|