262
Guovdageainnu nuoraidskuvlla 8A čálii dán divtta nuoskki
deami birra mii almmustuvai Mánáid Bláđi juovlanummaris
1990.
Nuoskkideapmi
Nuoskkideapmi lea nu ollu.
Luondu lea nuoskkiduvvon.
Ja ain eambbo nuoskkiduvvo,
Jus ii oktage gáhtte dan.
Eat ábuhivčče nuoskkidit šat eambbo.
Mii fertet čorgegoahtit min luonddu,
Vai ii billahuva áibbas.
Ii mis leat eará go okta luondu.
Mii fertet ieža gáhttet min luonddu,
Muhto movt?
De mii sáhttit váruhit nuvt
Ahte ieža eat bálkko ruskkaid min lundui.
Soaitá buorránit min boahtteáigi.
Muhtun oahppi seamma 8A luohkás dahje klássas čálii
luonddu suodjaleami birra dán:
Mun ledjen vázzime skuvlii, go fuomášin juoidá maid in
lean ovdal fuobmán. Eana lei buot nuoskkiduvvon. Bábir ja
ruskkat ja vel baikalihparat nai. Gal olbmot sáhttet jur leat
nuoskkit.
Bohten skuvlii ja mannen klássalatnjii. Guovlalin láse
ráigge olggos ja oidnen dievva ruskkaid dan ođđa «pleana»
alde. Oahpaheaddji humai ruskabálkuma birra. «Ii oaččo
bálkut ruskkaid olggos!»
Nuppi diimmu oidnen ovtta beare bálkesteame njálg
gesbáhpira láse ráigge olggos. Jurddašin dan birra maid
oahpaheaddji lei dadjan.
Váccašin márkanis ja oidnen ruskkaid miehtá šilju. Šaddá
go son goassige máilbmi ráinnas?
Dál mii fertet doallat máilmmi ráinnasin, vuoi lea go dál
juo beare maŋŋit?
