Servodatoahppu 8-10 - page 273

271
Norgga ekonomiija
Dán oasis galggat oahppat
• Norgga ealáhusgeainnut
• iešguđet lágan servodatekonomalaš mállet
• Norgga ekonomiija vuogádat
Ekonomiija
Ekonomiija lea dahkamuš árvvuiguin, ja riikka árvvut leat
earret eará luondduriggodagat. Norggas lea omd. guhkes
mearraridddu gos mis lea vejolašvuohta ávkkástallat meara­
guliid. Mis leat maiddái ollu goržžit mat leat addán vejolaš­
vuođaid hukset industriija, go lea leamaš álki fidnet elrávnnji.
Maŋŋá go olju gávdnui 1960-logus, de lea oljoindustriija
várra šaddan deháleamos ealáhusgeaidnun.
Ekonomiija ii guoskka dušše luondduriggodagaide. Eko­
nomiija lea dan birra makkár ealáhusat riikkas leat, nu
daddjon makkár gálvvut riikkas ráhkaduvvojit (bálvalusealá­
husat). Gálvvuid ja bálvalusaid ráhkadeamis šaddet bargo­
sajit, maiguin olbmot dinejit ja besset oastit iešguđet lágan
gálvvuid.
Loahpalaččat de ekonomiija guoskkaha dan man láhkai
mii ordnet servodaga. Hui dehálaš ášši lea ahte galget
go servodat vai priváhta ásahusat buvttadit gálvvuid ja
bálvalusaid, ja geat galget oamastit gárdimiid, ruvkkiid ja
fitnodagaid.
Muhto ekonomiija guoskkaha maiddái ovddasvástádusa:
Galgá go servodat bargat juoidá unnidit bargguhisvuođa?
Gean ovddasvástádus lea geafit, boarrásat ja buohccit?
ealáhusgeaidnu:
næringsvei
vuogádat:
system
1...,263,264,265,266,267,268,269,270,271,272 274,275,276,277,278,279,280,281,282,283,...340
Powered by FlippingBook