261
Geavahus ja biras
Dihtet go ahte njealji olbmo dállodoallu sáhtášii seastit 600
kg doabbariid jagis? Dahje jus čáhcehátna goaiku jagi, de
manná 7000 lihttera čáhci duššái?
Dát ovdamearkkat čájehit ahte don geavaheaddjin sáhtát
ollu váikkuhit, sihke buriid ja baháid láhkai. Ollu olbmot leat
beroštišgoahtán birasgáhtten gažaldagaiguin oažžut min
geavaheaddjin jurddašit dan ahte man láhkai mii geavahit
máilmmi resurssaid.
Lea vejolaš dahkat juoidá omd. nuoskkidan-váttisvuođai
guin. Ovdamearkka dihtii sáhttá ođđasis geavahit muhtun
ávdnasiid mat čoahkkanit stuorra doapparduvdnin.
Loga rámmačállosiid ja jurddaš maid Guovdageainnu
nuoraidskuvlla oahppit čállet luonddu nuoskkideami birra
1990:s.
Ođđasis geavaheapmi lea
dehálaš vai doabbarat eai
lassán.
doappar
(sg),
doabbarat
(pl): søppel
čáhcehátna, čáhceluoitta:
vannkran
