258
Buorredilli – ja geafivuohta
Eanaš olbmuin Norggas lea buorránan buorredilli maŋimuš
20 jagi. Mii oaidnit ahte eanaš olbmuin leat stuorra ja buorit
viesut, eanet biillat ja ollu áigi astoáiggedoaimmaide ja
luomostallamiidda.
Muhto buohkain Norggas ii leat diekkár dilli. Ain gávdno
geafivuohta Norggas. Ii leat nu ahte olbmot nelgot, dahje
ahte mánát ođđet olgoáimmu ovddas. Muhto muhtumat
gillájit geafivuođa, eai ge beasa návddašit daid buriid maid
álbmoga eanelohku dahká.
Leat máŋga oaivila Norgga geafivuođa birra. Dutkamat leat
čájehan ahte die 2-3% Norgga mánáin gillájit geafivuođa. Sii
ásset gal viesuin gos leat hivssegat ja basadanvejolašvuođat.
Muhto viesut leat unnit, ja lea ollu riedja ja nuoskivuohta.
Dasa lassin lea dávjá nu ahte geafes mánáid fuolaheddjiin
Organiserejuvvon astoáigge doammat mákset. Muhto ii buot
mánáin leat vejolaš searvat dakkár doaimmaide, danne go
vánhemiin ii leat várri máksit daid goluid.
buorredilli:
velstand
fuolaheaddji:
forsørger
duvdni:
søppelplass
