256
Man ollu geavahusgoluin mannet borramuššii ja juhkamuš-
šii, gehččojuvvo dávjá mihttun buresbirgenii. Dat gohčo
duvvo namain
buresbirgenindikáhtor
.
1958:s geavahuvvui 40 proseantta bearraša
ruovttudoalus
borramuššii. Dađistaga go olbmot riggo, de geavahišgohte
unnit ruđa borramuššii. Jagi 2000 ledje gaskamearálaš
bearraša borramušgolut 12 proseantta oppalaš ruhtadoalus.
Min borranvierut leat maiddái rievdan. Nuppi máilmmesoađi
áigge borre olbmot ollu guoli, buđehiid ja gordnegálvvuid.
Dalle lei váttis fidnet omd. lávcca, vuosttá, bierggu ja gáfe.
1970-logu rájes leat mii šaddan biergoborralas álbmogin, ja
leat maiddái borragoahtán eambbo sohkkara ja buiddiid.
Odne lea stuorámus gollun šaddan dállu ja boaldámuš. Jagi
2000 lei diet gollu 23,7 proseantta geavahusgoluin; dan
botta go dat lei dušše 13,5 proseantta 1958:s. Vuosttažettiin
lea sivvan dán lassáneapmái dat ahte olbmuin leat dál
stuorát ja buoret viesut.
Geavahanfunkšuvdna ja symbolafunkšuvdna
Muhtun dávvirat leat eambbo anolaččat go eará dávvirat,
ja dan gal sáhttá áddet dahje ipmirdit. Skruvaruovddis lea
čielga funkšuvdna. Dainna sáhttá skruvaid botnjat. Mii
sáhttit dadjat ahte das lea
geavahanfunkšuvdna
.
Eará gálvvuin lea vuosttažettiin
symbolafunkšuvdna.
Dain
sáhttá leat omd. kultuvrralaš gullevašvuohta. Go omd.
Deanu Searaid valástallanbáidái leat prentejuvvon stuorra
bustávat, de valáštallanbáidi muitala sierra eallinvuogi ja
gullevašvuođa birra. Mearkabiktasiid bokte sáhttet olbmot
oassin joavkkus dávjá čájehit gaskka eará joavkkuide.
Earálágan ja divrasat mearkabiktasat sáhttet symboliseret
stáhtusa.
Buksamearka dahje logo lea mii addá árvvu. Nu
loktana maiddái geavaheaddji stáhtus.
Mearkkat ja mearkadávvirat eai leat gal nu ođđa áššit,
muhto 1980-jagiid rájes leat logo-mearkkaid geavaheapmi
laskan issorasat. Dan sadjái go čiehkat gálvvu mearkka
biktasiid siskkabeallái, de galge mearkkat báitit juo menddo
