257
guhkás. Mearkkat muitalit mas don beroštat, leat go don
sporty dahje beroštat go dáidagis, dahje leat go muhtun
spábbačiekčanjoavkku berošteaddji.
Persovnnalaš ekonomiija
Jus don mearkkut buot maid leat oastán ovtta vahkus, de
sáhtát oahppat ollu iežat geavahusa birra. Dalle ráhkadat
alccesat ollislaš gova iežat goluin. Dat lea du
rehketdoallu
.
Das don oainnát masa du ruđat leat mannan ja beasat
smiehtadit manne ostet duon ja dán.
Go jurddašat fas ovddos guvlui ja plánegoađát boahtte
vahku gávppašemiid, de dan plánema gohčodit
bušeahttan.
Das don mearridat masa áiggut iežat ruđaid geavahit.
Mearridat maid oasttát ja maid fas it oastte. Go divttát juoidá
leat oasttekeahttá, de suittát oastit juoidá eará dahje sáhtát
seastit ruđa vai beasat maŋŋá oastit mielamiel dávvira mii
lea bistevaš.
MUITTÁT GO?
1 Mii oaivvilduvvo sániin
geavahus?
2 Makkár dárbbuid sáhttá geavahus gokčat?
3 Mii lea mihtilmas geavahusservodahkii?
4 Čilge sáni buresbirgenindikáhtor?
5 Mii lei stuorámus dállodoalu olggosgollun 1958:s?
6 Mii lea stuorámus dállodoalu olggosgollun odne?
7 Mii lea erohus geavahanfunkšuvnnas ja
symbolafunkšuvnnas?
8 Mii lea rehketdoallu?
9 Mii lea bušeahtta?
