Servodatoahppu 8-10 - page 170

168
steami birra, muhto leat datte lágiduvvon guhtta ráđđeaddin
álbmotjienasteami Norggas. Guokte vuosttaš ledje 1905:s,
loahpahit uniovnna (99,95 proseantta jienastedje dahkat
Norgga iešstivrejeaddjin) ja stivrenvuogádaga hárrái (78,9
proseantta jienastedje Norgga dahkat monarkiijan).
Guokte maŋemuš álbmotjienasteamis lei sáhka ahte galggai
go Norga searvat Eurohpalaš oktavuhtii (EO:ii) 1972:s ja
Eurohpalaš uniovdnii (EU:ii) 1994:s. Sihke 1972:s ja 1994:s lei
snoagga eanetlohku ahte ii searvat miellahttun.
Loga dáid birra nuoraidskuvlla historjjá oahppogirjjis:
SÁPMI JA MÁILBMI – Historjá 2 – Sápmi / Norga / maŋŋá
1940, s. 110-112.
Muittát go?
1 Maid mearkkaša formálalaš fápmu?
2 Makkár ákšuvdnavuogit sáhttet geavahuvvot?
3 Mii lea lobben-doaibma?
4 Goas lei vuosttaš álbmotjienasteapmi Norggas, ja man
alde jienastedje?
5 Goas lei maŋemuš álbmotjienasteapmi Norggas, ja
man alde jienastedje?
Siviila jeagohisvuohta
Siviila jeagohisvuohta mearkkaša ahte muhtimat diehto­
mielalaččat rihkkot lágaid ja mearrádusaid veahkájo vugiid
haga. Vaikko dat maid barget, lea láhkarihkkun ja vaikko
dihtet sáhttet ráŋggáštuvvot, de oaivvildit ahte lea riekta
dahkat dan. Jus ovdamearkka dihtii gielda/suohkan lea
mearridan gaikut muhtin náveha, de sáhttet muhtin nuorat
vuollástit dahje okkuperet náveha dan láhkai ahte fárrejit
dokko. Oaivvildit ahte lea boastut gaikut náveha go sáhttá
leat viessun sidjiide geain ii leat gos ássat jus beare divusta
dan.
veahkájo:
voldelig
vuollástit:
okkupere
1...,160,161,162,163,164,165,166,167,168,169 171,172,173,174,175,176,177,178,179,180,...340
Powered by FlippingBook