Servodatoahppu 8-10 - page 165

163
Maid sáhttet sii dahkat geat eai gula mange
bellodahkii?
Man láhkai sáhttet dábálaš olbmot searvat demokratiijii?
Man láhkai sáhttet leat mielde váikkuheamen Stuorradikki,
stáhta dahje gieldda/suohkana mearrádusaide? Leat geahč­
čan mo sáhttit jienastit politihkalaš bellodagaid válggaid
áigge, muhto sáhttit maiddái eará láhkai váikkuhit eise­
válddiid mearrádusaide.
Norggas lea čoahkkinfriddjavuohta. Čoahkkinfriddjavuohta
mearkkaša ahte mis lea vuoigatvuohta organiseret iežamet
ja váldit vuhtii beroštumiideamet dahje ovddidit áššiideamet
main beroštit. Ii leat dušše politihkalaš bellodagain fápmu,
vuhtiiváldit ja ovddidit min beroštumiid. Maiddái iešguđetge
organisašuvnnain lea fápmu. Muhto organisašuvnnain lea
eahpeformálalaš fápmu. Dát mearkkaša ahte sis ii leat fápmu
lága mielde. Organisašuvnnat fertejit danin váikkuhit sin
geain lea formálalaš fápmu.
Leat dušše politihkalaš bellodagat mat ovddastit áššiid
Stuorradikkis ja gieldda/suohkanstivrras. Dain lea formálalaš
fápmu.
Organisašuvnnat
Norga lea organisašuvdnariika mas leat lagabui 3000
smávva ja stuorra organisašuvnna. Juohke jagi čálihuvvojit
gaskal 15 ja 20 miljovnna miellahttokoartta Norggas. Dát
mearkkaša ahte juohke norgalaš ássi lea gaskamearálaččat
miellahttun njealji iešguđetge organisašuvnnas. Lea sáhka
organisašuvnnain mat leat iešguđetge sturrodagas ja
main leat iešguđet lágan ulbmilat. Politihkalaš bellodagat
gullet politihkalaš organisašuvnna šládjii. Muhto gávdnojit
maiddái earát geat háliidit searvat ja váikkuhit politihkalaš
mearrádusaide:
• Epmolaš organisašuvnnat nugo «Kirkens Nødhjelp»,
«Norsk Folkehjelp» ja Amnesty International háliidit ahte
eiseválddit galget vuoruhit eambbo humanitára veahki ja
doarjut olmmošvuoigatvuođa rahčamušaid.
• Valáštallanorganisašuvnnat háliidit eanet ruđaid iešguđet
lágan valáštallanrusttegiidda ja bargguide doaimmahit
valáštallama vuorrasiid ja nuoraid várás.
siviila jeagohisvuohta:
sivil ulydighet
epmolaš:
ideell
divat, divadat:
avgift
1...,155,156,157,158,159,160,161,162,163,164 166,167,168,169,170,171,172,173,174,175,...340
Powered by FlippingBook