Eanemus vuvdon girjjiid deaddilat ođđasit
ČálliidLágádusa eanemus vuvdon girji, Deanuleagi Sámi fáhcat deaddiluvvo 3. geardde, ja ilbmá geassemánus. Olbmot miehtá riikka lea diŋgon, ja ain čájehit stuorra beroštumi fáhcca-minsttar girjái.

Girjjiin girječálli Kirsti – Kristi-Synnøve Suongir gudnejahtta Deanuleagi nissoniid geat mielas leat juogadan suinna ja veahkehan čohkket fáhccaminstariid guovllus. Girji lea sámegillii ja dárogillii.

 

Álbmot guovssahasa vuolde

Maiddái Per Ivar Somby girji Álbmot guovssahasa vuolde  ilbmá ođđasit geassemánus. Dán erenoamáš girjjis lea Somby ivdnen dánskalaš guovssahasdutki Sophus Tromholt govaid maid govvii Guovdageainnus 1882:s ja 1883:s. Son lea dakko bokte addán ođđa dimenšuvnna dáidda govaide. Girji lea golmma gillii, sáme-, dáro- ja eŋgelasgillii.

 

Elvesang

Goalmmát girji mii ilbmá ođđasit geassemánus lea Ellen Hofsø nuoraidromána Elvesang. Girji lea Durdnosleagi kvenanieidda Kaarina birra, gean vánhemat sáddejit nealggi geažil sápmelaččaid mearrariikii, Davvi-Norgga riddui. Girji lea dárogillii. Nubbi deaddileapmi lea dipmaolggožiin, ja nu ollu hálbbit go garraolggoš girji.



Ođasmahttán 13.05.2020
Almmuhan: Jovnna Solbakk