Ráhkesvuohta ja dovdosánit sámi girjjálašvuođas lei fáddán Girjjálašvuođaguovddáža doalus Sámi álbmotbeaivve Kárášjogas.
ČálliidLágádusa Liv Tone Boine logai ráhkesvuođa ovdamearkkaid sámi girjjálašvuođas.
Mo ja man láhkái geavaha sámi girjjálašvuohta ráhkesvuođa ja dovdodoahpagiid? ČálliidLágádusa doaimmaheaddji Liv Tone Boine logai muhton ovdamearkkaid otná sámi girjječálliid románain. Ee. osiid Ánne Vuolab girjjis Ii šat summal, mas girječálli govve ráhkesvuođa vuohkkasit.
Giellabargi Hans Petter Boyne čilgii sámi dovdosániid.
Giellabargi Hans Petter Boyne ges čilgii sámi dovdosániid. Jos leažžat gáddán ahte min giella lea geafi, de Boyne muitalii sámegiella lea erenoamáš rikkis giella dovdosániid ektui. Son čilgii ollu sániid mat eai šat nu dávjá geavahuvvo. Olbmot eai dovdda sániid.
Guldaleaddjit besse maid digaštallat sierranas dovdosániid.
Iŋgos Máhte Ingá Rávdná, Inga Ravna Eira ja Biret Elle Láila, Laila S. Sandvik rohttesteigga luđiid main vuogas sániiguin geažida ráhkesvuođa dovdduid.
Girjjálašvuođaguovddáža jođiheaddji John T. Solbakk jođihii doalu, ja Amund Johnskareng álggahii doaluid dovddus ráhkesvuođa lávlagiin Okta unna muittuš.
Iŋgos Máhte Iŋgá Rávdná, Inga Ravna Eira ja Biret Elle Láila, Laila S. Sandvik rohttesteigga čáppa ráhkesvuođa luđiid.
Amund Johnskareng lávllui oahpes ráhkesvuođa lávlaga.
Govven: Ragnhild Varsi.
Ollu olbmot oassálaste Girjjálašvuođaguovddáža ráhkesvuođadoaluin Sámi álbmot beaivve.
Almmuhan: 07.02.2020
Almmuhan: Mihkku Solbakk
|
