Nuoraidromána ilbmán
Ellen Hofsø nuoraidromána "Elvesang”

ČálliidLágádus almmuhii Ellen Hofsø nuoraidromána "Elvesang” geassemánu 7.b girjjálašvuođaguovddážis Kárášjogas.
 
 
Girječálli Ellen Hofsø logai girjeálmmuheamis Kárášjogas oasážiid girjjis.

Davvinorgalaš girječálli Ellen Hofsø doalai girjjálašvuođa logaldallama Kárášjoga ovccát luohkkálaččaide.  Son logai oasážiid girjjistis ja muitalii muđui e.e. makkár proseassaid bokte girji riegáda.

Girjji sisdoallu
Girjji  dáhpáhus lea bidjon Duortnosleagi ruoŧabeallái 1868:s. Doppe lea leamašan nealgi máŋggaid jagiid maŋŋálagaid. Olbmot fertejit heahtedilis sáddet mánáideaset sápmelaččaid fáru mielde mearragáddái norggabeallái birgejumi dihte. Váldo peršuvdna kvenanieida Kaarina (15) lea lohpidan eatnestis atnit fuola unna vieljjas Danielas. Muhto ráidu maid čuovvuba juohkása. Daniel jávká davás ja  Kaarina fas gártá Loabáhii.

Davvinorgalaš Girječálli lea ovddežis almmuhan 5 mánáid ja nuoraid girjji. Maŋimuš girje nuoraid romána Til Sara  "Sárái” lei márkkusámiid birra. Nuoraidromána "Elvesang” lea dárugillii ja dan lea vejolaš diŋgot ČálliidLágádusas.  
 
ČálliidLágádusa Amund Johnskareng čuojahii ja juoiggai girjjálašvuođa logadallamis.

Kárášjoga Skuvlla ovccát luohkkálaččat guldaledje dárkilit go girječálli  logai girjjistis.

Čállán: Amund Johnskareng
Govven: Marianne Solbakken

Ođasmahttán 15.06.2017
Almmuhan: Mihkku Solbakk