ČálliidLágádusa birra     CL-Sámi academica     Oktavuohta    
  Gálvoseahkka lea guorus
 

Váriin, Vákkiin ja Vuonain ilbmá čakčii
 

Nuoraidromána ilbmán
 


Ođđa báikenammagirji ilbman

 
Davvisámi báikenamat girjji almmuheami oktavuođas Ohcejogas, čálli Luobbal-Sámmol Sámmol, Samuli Aikio čilgii báikenamaid mearkkašumiid.
Govva: Amund Johnskareng.
 
ČálliidLágádus almmuhii Luobbal-Sámmol Sámmola, Samuli Aikio Davvisámi báikenamat girjji Ohcejogas lávvardaga miessemánu 13. b.
 
Girjealmmuheami oktavuođas muitalii girječálli Samuli Aikio ahte báikenamaid čohkkenbargu lea leamaš áddjás hommá. Dasa son lea geavahan ollu jagiid.
 
Aikio čájehii nammaovdamearkkaid girjjis ja čilgii namaid mearkkašumiid. Almmuheami oktavuođas Ohcejogas čilgii soames namaid Ohcejoga lahkosiin. Dás mii ávžžuhat lohkki geahččat su girjji jos háliidat diehtit báikenamaid mearkkašumi.

Čállis jerre maiddái ahte lea go Bissojohka Porsáŋggus Bissojohka? Čálli oaivvildii sátni bissu lea lonejuvvon suomagielas sámegillii oalle maŋŋit. Danne 1600–logu dáronamma Břrs Elf ii sáhte leat jorgalus goappáge gielas. Joga luonddus maid ii mihkkege čujut bissui. Álgo namma livččii lean dalle Borsejohka mii lea dovddus máŋgga eará sajis Sámis. Dán ge nama birra gávnnat dieđu girjjis Davvisámi báikenamat.

Girječálli ávvudii girjeálmmuheami olis iežas 80 jagi riegádanbeaivvi. Birrasii 50 olbmo ledje boahtán Áitesavvona gátti Deatnu restoráŋŋii Ohcejohkii lávvardaga 13. beaivve.
Samuli Aikio girji Davvisámi báikenamat lea vuovdimassii miessemánu 25. b. rájes. Dáppe sáhttá dasto oastit dás: www-lagadus.org.
Čállán: Amund Johnskareng

 
ČálliidLágádusa hoavda John T. Solbakk ja Samuli Aikio.
Govva: Mihkku Solbakk

 
Sihke fuolkkit ja earát ledje boahtán ávvudit Samuli Aikio  80-jagi riegádan beaivvi, gos maiddái lei girjeálmmuheapmi. Govva: Mihkku Solbakk


Almmuhan: 16.05.2017
Almmuhan: Mihkku Solbakk