ČálliidLágádusa birra     CL-Sámi academica     Oktavuohta    
  Gálvoseahkka lea guorus
 
JTS
2017 Sámediggeválga
 

Oahpponeavvu ohppiide geain vuođđoskuvllas lea sámegiella nubbigiellan
 

Gĺhttjom allmudibmáj - Multi mátemátihka 1-3 julevsámegiela
 


Girjedoalut girjjálašvuođaguovddážis

Máilmmi girjebeaivve oktavuođas 23.04 lágidii GirjjálašvuođaguovddᚠKárášjogas golmmabeaivásaš  girjedoaluid. Ulbmil lei čalmmustahttit sámigirjjálašvuođa mánáide ja nuoraide.
 

ČálliidLágádusa doaimmaheaddji Liv Tone Boine máinnastii ja nevttii mánáidgárddi mánáide. Govven: Marianne Solbakken. 
 
Sihke njálmmálaš, čáppagirjjálašvuohta ja fágagirjjálašvuohta čalmmustuvvui dáid doaluin. Mánáidgárdemánáide lágiduvvui mánáidboddu maid ČálliidLágádusa doaimmaheaddji ja girječálli Liv Tone Boine doalai. Son logaid nuoraidromána Áigin Lávra Sommeren i Bassegohppi dárogielagiidda, ja maiddái iežas novealla Bartagirjjis.

Davvigirjji girječálli Kirste Paltto logai girjjis Luohtejávrri Oainnáhusat, ja Davvigirje bargi Máret Gutnil Sara ges máinnastii Gufihttariid birra.

Sámi joatkkaskuvlla oahppit besset gullat historihkkár Aage Solbakk ságasteamen Kárášjoga vuosttas sátnejođiheaddji Luhkkár – Mathis Isaksena birra.



Maŋŋá máinnasboddu ožžo mánát sáftta, keavssaid ja ruotnasiid.
Govven: Amund Johnskareng


 
Liv Tone Boine maid logai girjjis Áigin Lávra Sommeren i Bassegohppi dárogielagiidda.
Govven: Amund Johnskareng.

 
Egil Stueng (Gr.) ja Helen Vuolab ožžo girjji In mun goit Liv Tone Boines.
Govven: Amund Johnskareng

 
Máret Gutnil Sára máinnastii gufihttariid birra.
Govven: Amund Johnskareng

 
Kirste Paltto logaid 5. luohkkálaččaide,  girjjis Luohtejávrri Oainnáhusat.
Govven: Amund Johnskareng.

 
Historihkkár Aage Solbakk ságastii Sámi joatkkaskuvlla ohppiide, Kárášjoga vuosttas sátnejođiheaddji Luhkkára – Mathis Isaksena birra.
Govven: Amund Johnskareng.

Ođasmahttán 28.04.2017
Almmuhan: Mihkku Solbakk