ČálliidLágádusa birra     CL-Sámi academica     Oktavuohta    
  Gálvoseahkka lea guorus
 
Jts
London girjeriemuin nuppi beaivve
 
Jovnna G. Solbakk
London girjeriemuin vuosttas beaivve
 


Londen girjeriemuin goalmmát beaivve
16.3. lei 2017 London Book Fair goalmmát beaivi. Polskka lágádusat leat duhtavaččat daina go Polen dán vuoro lei ožžon girjeriemuin “guovddᚔ beroštumi. Stuorra oktasaš čájehanbáiki veahkehii goit riikka girjjálašvuođa oidnot buorebut. Norga lea ráhkkaneamen Frankfurtii 2019, gos Sápmi galgá leat oassin.

Sámi girjjit, eai ge smávit norgalaš lágádusaid girjjit "báitán” Londonis. Fuobmáime ahte Sřlvmĺmen girji jávkkai hildus vuosttas beaivve, maŋemuš beaivve lei ruovttoluotta hildus.

 

Moai gal ean lean ohcamin girjjálašvuođa buktagiid polskka lágádusin. Dovddastedne ahte munno beroštupmi polskka ektui dál lei eambbo dat go ledje bovdejuvvon erenoamᚠguossin Londonii. Norga ja norgga lágádusat han leat bovdejuvvon máilmmi stuorámus girjeriemuide "gudni guossin”, namalassii Frankfurt 2019. Doppe gal lávejit eambbo go 5000 oassálasti girjelágádsusat. Nu ledje jo dalle go dát goasttideaddji lei doppe moatti geardde "don dolin”. Dan gal ledne goit oaidnán dáppe, dát posišuvdna rabai lágádusaide ja čálliide buriid vejolašvuođaid loktet girjjálašvuođa oidnosii. Frankfurttas 2019 lea Norggas dát vejolašvuohta, ja dalle maiddái Sámis.

 

Polen girjeinstituhtta lea organiseren polskka oassálastima. Kulturdepartemeanta lea golmma jagi oassálastimii bidjan 1 million EURO. Ledje jo diibmá mielde, ráhkkaneamen dán jagi stuorimus oassálastimii, mas 50 lágádusa leat mielde. Boahtte jagi fas unnit, loahpahit dien golmma jagi prográmma. Nu muitala Girjeinstituhta Ewa Wojciechowska, polskka oassálastima jođiheaddji. Sii gal leat duhtavaččat dáinna "gudni” posišuvnnain, lea dasto lágádusaid hálddus oažžut oktavuođaid olgoriikkain. Muhtimat goit orrot lihkostuvvamin, muitala jođiheaddji.

 

Norggas lea NORLA ožžon ovddasfástádusa organiseret norgga "gudni oassálastima” Frankfurrttas 2019. Sii leat dál nammadan jođiheaddji dása. Dattege lea NORLAs leamaš juo oktavuohta Sámedikkiin. Muitalit NORLA ovddasteaddjit Londonis. NORLA doaibman lea fáluhit norgalaš girjjálašvuođa olgoriikkaide. Ovdal sii leat hilgon sámi girjjlašvuođa, go leat oaivvildan dat ii leat sin ovddasfástáduis. Dál sii leat doaivumis reivdadan oainnuset.

 

Sámediggi de várra váldá oktavuođa sámi lágádusaiguin ja girjjálašvuođa-organisašuvnnaiguin, plánegoahtit sámi girjjálašvuođa čalmmustahttima. Miellagiddevaš dien oktavuhtii heive fuobmášahttit dan mii Londonis lei dehálaš fáddán, namalassii girjjiid sisdoallu, dainna don sáhtát gávdnat beroštumi ja lihkostuvvat lohkkiid ektui. Deatthuvvui seminárain. Nu dát girjegoasttideaddji bázii smiehttat, maid de galgat mii fállat máilbmái Farnkfurt 2019 girjeriemuin. Doaivumis mii eat šatta dušše gávttehasaiguin čikŋan ja geasuheaddjin norgalaččaide. 



Ođasmahttán 19.03.2017
Almmuhan: Jovnna Solbakk