ČálliidLágádusa birra     CL-Sámi academica     Oktavuohta    
  Gálvoseahkka lea guorus
 

Dárogielat girjjit girjegávppis
 

Hestkuk fra sør almmuheapmi
 
JTS
2017 Sámediggeválga
 


Deanuleagi sámefáhcat - Samevotter fra Tanadalen. Mediadiehtu



Deanuleagi sámefáhcat - Samevotter fra Tanadalen lea Kirsti Suongir gohčodan girjji fáhccaminstariiguin. Kirsti lea olu jagiid čohkken minstariid ja dieđuid. Girji lea ge šaddan sihke čáppat ja erenoamᚠdiehtogáldun.



Illun ođđa gođđibuolvvaide almmuhat girjji Troandimis guovvamánu 8. b. 2017, 100-jagi ávvudoaluid oktavuođas. Gođđit Deanuleagis leat mielas addán iežaset minstariid ja dieđuid, ja muhtimat maiddái addán vádjolan gođđiid minstariid ja sin birra dieđuid. Čálli lea rámiidan ja giitalan sin dáinna girjjiin. Sii leat nissonat geat báikkálaš birrasiin leat ja ledje dovddus. Historihkkár Aage Solbakk lea girjái čállán kapihttala sámi gárvvuiid historjjás. Kapihttalis leat olu govat.

Kirsti-Synnøve Suongir ja Marie Louise Somby.
Dán girjji fáhccaminstarat eai leat ovdal almmuhuvvon. Barggadettiin minstariiguin, fuobmái čálli soames erenoamášvuođaid. "Go dutkagohten daid boares fáhccaminstariid lagabuid, de fuomášin ahte dat eai álo lean symetralaččat nu go mii sáhttit Norgga gođusgirjjiin oaidnit. Ii ge čalbmelohku álo doallan deaivása”. Sárggodettiin minsteariid, ráhkadii Kirsti daid dattege njuolgga vai ođđa gođđiide lea álki dan čuovvut. Son čállá maiddái ahte gođđit geaiguin lea háleštan, muitaledje ahte sii lávejedje duodjemárkaniin geahčadit fáhccaminstariid, bidjat daid muitui, ja de heivehedje iežaset fáhca daid vuođul.

Čálli lea ieš sárgon minstariid, fotogovaid leaba váldán Hanne-Sofie Trosten ja Marie Louise Somby.

Giella: Davvisámi ja dáru.
164 s. Garra olggoš. NOK 325,-



Oktavuođat:


Čálli:
Kirsti-Synnøve Suongir
kirsti@suongir.no
Mob.:  482 23 206
 
 
Lágádus:
Aage Solbakk
aage@lagadus.org
Mob.: 997 94 122



Ođasmahttán 27.01.2017
Almmuhan: Mihkku Solbakk