Sámi aktivisma – dušše boares muitu!
Ođđa girji Álttá dulvadeami vuostálastima birra.
Girjjálašvuođaguovddážis lei almmuheapme

Lávvardaga 18.06.2016 lei Gumppe diimmus girjealmmuheapmi almmuheapmi Kárášjogas. Niillas A. Somby ja ABC Company - E-skuvlla girji muitala Álttá dulveadeami vuostálastimis 1970 jagiid loahpas gitta Sámedikki rahpamii 1989:s. Ovddemužžan lea girji Niillas A. Somby iežas muitalus, ja su vásáhusaid birra sámi deaháleamoš ráhčamušain ođđa áiggis. Ja mii imašlaččat lea jo vajáldahttojuvvomin.
 


Muhtimat gáktejedje ávvudit almmuheame


Máret Sárá, Charta 79 doaimmaheaddji muitala
Almmuheami oktavuođas Girjjálašvuodaguvoddážis lei maiddái ságastallan, ja das bohte muhtin muitalusat eará aktivisttain sin vásáhusain dán erenoamáš áiggis. Máret Sárá muitalii ahte sii gulle Klassekampen olbmuin ahte ledje ožžon dihtosii ahte politiijat galge váldit gitta BUOT gávttehasaid. Muhto dainna eai lihkostuvvan, go Oslo váldu gáhta Karl Johan ala lei čaohkkanan nu olu olmmoš ahte eai dohko beassan politibiillaiguin! Oslolaččat leddje sáhkkii ja háliidedje oaidnit mii Stuorradikki olggobealde geavai. Máret gázzi maid jođihedje Charta 79-aviisa vuosttas 10 000 deaddileame guovtte diimmus! Nu šadde deaddilit vel guovtte geardde 10 000
 
Sápmelaš joavku lei 1979 vuosttas geardde Oslos nealgudeamen Stuorradikki olggobealde. Dákkár demonstrašuvnnid eai lean Norggas vásihan ovdal. Dieđusge ledje oslolaččat sáhkkii ja diehtogoikkus, olbmot čoahkkanedje gávpotguovddážii,  ja dađistaga šadde sii maiddái sápmelaččaid doarjaleaddjin. Áiddo dasa dáiddii lean erenoamáš áviisa mieldesivalaš. Nealgudeaddjiid sámi doarjaleaddjit fuobmájedje dážaid diehtemeahttunvuođa "Álttá-ášši” birra. Sii ásahaste vuođđudusa ja aviisadoaimmahusa, ja ožžo Klassekampen-aviissas veahke ráhakdit aviissa. Ijas ráhkadejde vuosttas Charta 79 nummira, muitalii Máret Sárá, okta Charta 79 ovddasteaddjiin. Aviissa ulbmilin lei oažžut olbmuide dieđuid demonstrašuvnnaid ja "álttá-ášši” birra, ja nu maiddái sámi vuoigatvuođaid rahčamušaid birra.


Loga maiddái 48 siidosaš girjjáža Álttá-Guovdageaonnueanu stuimmiid birra– Dráma ođđa áiggis, mii almmuhuvvui 2010:s.

 
Dása ođasmahttojuvvui maiddái guokte "Álttá-filmma”, dokumentára Mo Sámi váldet ja fikšuvvdnafilmma La elva leve!





Ođasmahttán 24.06.2016
Almmuhan: Jovnna Solbakk