|
|
Mánáidboddu ja girjealmmuheapmi Ohcejogas!
Cuoŋománu 14.b. dii 18.00 (suoma áigi).
ČálliidLágádus ovttas girjjálašvuođaguovddážiin almmuhit Torkel Rasmussen ja sárgu Tanja Sanila Milli ja Bolfi Sáhpánbivdit mánáidgirjji, Ohcejoga gielddagirjerádjosis duorastaga cuoŋománu 14.b. dii 18.00 (suoma áigi).
Girjealmmuheami oktavuođas doallá Irene Länsman mánáidbottu. Dasto lohká Irene "Sáhpánbivdit” girjjis. Girječálli Torkel muitala áinnas eambbo dáid bussáid birra.
Milli ja Bolfi Sáhpánbivdit lea Torkel Rasmussena ja sárgu Tanja Sanila nubbi girji, girjeráiddus Milli ja Bolfi. Girji lea davvisámegillii, julevsámegillii ja máttasámegillii.
Lágideaddji Ohcejoga gielddagirjerádju fállá mánáide bulláid ja juhkosa, ja káfe ollesolbmuide.
Buresboahtin doaluide!
Ođasmahttán 08.04.2016
Almmuhan: Mihkku Solbakk
|
|
|
