Kulturráđđi oastán Sølvmånen

Norgga kulturráđđi osttii Sissel Horndal Silbamánnu dárogielat mánáidgirjji Sølvmånen. Nu lea girji maiddái ožžon fágalávdegotti buoremus árvosáni. Girjji govat leat dál bovdejuvvon Tuiskii muhtin girječájáhussii.
 
 
 
Girji almmuhuvvui Álttás guovvamánu 12. b.  Álttá girjerádju ja ČálliidLágádus ledje  bovden Bossugohpi 5. luohkálaččaid almmuheapmái. Sissel logai dárogielat girjjis dan seammás og bijai govaid stuorrašerbmii. Oahppit vulge duođaid mielde máinnasmáilbmái, guldaledje dárkilit. Sissel lei geahččalan muitalusa unnit mánáide. ”Diet lei eatnekas”, dajai okta guldaleaddjiin. Nu lea ge Silbamánu muitalus. Sissel lea ráhkadan iežas muitalusa sámi stálu-máidnasiid vuođul. Girji lea jurddašuvvon stuorát mánáide, geat liikkojit ahte girjjis lea vehá drámatihkka.

Girji lea ilbman davvisámegillii: Silbemánnu, julevsámegillii: Silbbamánno, máttasámegillii: Silpeaske, ja dárogillii: Sølvmånen. Fargga boahtá eŋgelasgielat Silvermoon.

Ođasmahttán 08.04.2016
Almmuhan: Mihkku Solbakk