- E-girjjit - Digitála oahpponeavvut

Vuosttasromána: Sárá beaivegirji lea Siri Broch Johansen vuosttas mánáid- ja nuoraidromána Govven: Eilif Aslaksen

Beassášvahkus almmuhii ČálliidLágádus Siri Broch Johansen mánáid- ja nuoraidromána Sárá beaivegirji. Girji lea nuvttá skuvllaide gos sámegiella oahpahuvvo.

Sárá beaivegirji lea golmma sámegillii ja dárogillii. Girjji almmuheami oktavuođas beassášvahkus logai girječálli osiid girjjistis mánáid girjedoaluin Kárášjoga kulturviesus. Maiddái lávllui Johansenšuoŋaid, mat ledje heivehuvvon girjji sisdollui.

Nuvttá girji
Sárá beaivegirji lea "álkkeslohkan-girji" julev-, mátta- ja davvisámegillii man Sámediggi lea dorjon almmuhit. Sámegielat girji leat nuvttá vuođđoskuvllaide Norggas main oahpahit sámegiela. Skuvla/tiŋgojeaddji máksá dušše páhkken- ja sáddengoluid. Go tiŋgo girjjiid, de galgá skuvla almmuhit lágádussii galle oahppi sis leat geain lea sámegiel´ oahpahus. Girjjiid gávnnat dáppe.

Jietnagirji nuvttá
Cuoŋománu mielde ilbmá Sárá beaivegirji jietnagirjin davvi, julev- ja máttasámegillii. Maiddái jietnagirjji ožžot skuvllat nuvttá.

Geidojuvvui uldamáilbmái
Girjjis beasat oahpásmuvvat 11 jahkásaš Sáráin.Nieiddaš oažžu erenoamáš oktavuođa bávttesisássiin Bákte-Lárásiin, gii dolin nuorra bárdnin geidojuvvui uldamáilbmái

Girji heive stuorát mánáide
Girječálli Siri Broch Johansen muitala Sárá beaivegirji heive buot buoremusat stuorát mánáide ja nuoraide.
  - Eai bálljo gávdno sámegielat girjjit dáid ahkásaččaide.Danin lean hui ilus go beasan juoidá addit sidjiide, lohká Johansen.

Bjørg Monsen Vars lea sárgon govaid girjái.


Girječálli Siri Broch Johansen guoimmuhii ja logai girjjistis mánáide Kárášjoga kulturviesus. Govva: Jovnna Guttorm Solbakk