ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 
 
 


Stig Riemmbe Gćlok

r. 1971. Stig Gćlok čállá julevsámegillii. Oktiibuot leat várra birrasiid guokteduhát olbmo geat hállet julevsámegiela, de lea álki áddet ahte das eai leat ollu girjelohkkit eaige –oastit. Danin lea duohtavuohta duogábealde go Stig leikoša ahte buot su girjjit leat ”bestseller”at. Su dáfus dat mearkkaša ahte eanet go čuohte girjji vuvdojuvvojit. Jos rehkenastá ahte leat sullii guokteduhát lohkki, ja čuođis sis ostet dan girjji, de dat mearkkaša vihtta prosentta álbmogis. Jos dan buohtastahttá Norgii, de fertešii dáža girječálli vuovdit badjel guoktečuohteduhát girjji!

Stig Gćlokii lea dehálaš buvttadit girjjálašvuođa iežas gillii, ja son lea ge buvttadan eambbo go beali buot ođđaáiggi julevsámi girjjiin. Daddjojuvvo ahte dat giella man don čálát ii galgga hehttet du ráhkadeames buorre girjjálašvuođa, muhto seammás buohkat áddejit ahte čálli ii oaččo nu ollu responssa go leat uhcán lohkkit. Buot dáiddárat háliidit olbmuid olahit iežaset dujiiguin, muhto jearaldat lea mo dat váikkuha čállái go son diehtá ahte lohkkit leat nie uhcán? Stig lea muhtun muddui čoavdán dán váttisvuođa dainna lágiin ahte lea almmuhan girjjiidis sihke sáme- ja dárogillii, muhto muhtun girjjit gal leat ain dusšše sámegillii.

Gćlok čállá eanᚠdivttaid ja mánáidgirjjiid, ja bargá velá journalistan. Ále desti!-nammasaš diktagirji lea čállojuvvon ”armme” váidaluslávlaga hámi mielde vielljasis gii sorddii iežas. Divttaid giella muittuha lćstadialaš giellageavaheami, ja Gćlok govve morraša ja ohcaleami hui váikkuheaddji láhkai. Divttat muitalit iešsivaheami birra, muhto maiddái ráhkesvuođa mii veadjá rasttildit ovtta olbmo oasi. Ále desti! lea šaŋgeris mielde okta Stiga buoremus diktagirjjiin. Go Stig Gćlok almmuhii vuosttas diktagirjjis 1983:s, O, Oarjjevuodna, de dat lei vuosttas diktagirji oppanassiige julevsámegillii.