- E-girjjit - Digitála oahpponeavvut

ČálliidLágádus lea vuođđudus (stiftelse) man ulbmilin lea:

- gaskkustit čuvgehusa ja máhtolašvuođa sápmelaččaid ja sámi diliid birra sámi servodahkii, ja eará berošteaddjiide sámi birrasiid olggobealde. Čuvgehus ja máhtolašvuohta eará eamiálbmogiid birra lea lunddolaš oassi vuođđudusa ulbmiliin.

Ulbmila sáhttá ollašuhttit sierranas doaimmaiguin, omd. čohkkedettiin dárbbašlaš dieđuid ja duođaštuvvon máhtolašvuođa eamiálbmogiid birra, ja dahkat daid dovddusin berošteaddjiide ee. almmustemiid bokte. Almmusteami sáhttá dahkat prentema dahje interneahta bokte, dahje eará heivvolaš vuogi mielde.

Vuođđudus sáhttá maiddái oassálastit eará sullasaš doaimmain mat sohpet vuođđudusa ulbmilii, juogo iežas doaimmaiguin dahje eará vvuođđudusaiguin ja fitnodagaiguin ovttas. Vuođđudus sáhttá maiddái leat oamasteaddjin fitnodagain main leat sullasaš ulbmilat.

- Loga lágádusa policy birra