ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 

Tidsreise Sápmi
 

Mii ohcat mátta- ja davvisámi doaimmaheaddjiid
 

Beassáškrim
 

Mat leat oahppanstrategiijat?

 
Oahppanstrategiijat leat oahppovuogit dahje reaiddut maid mii geavahit/atnit go áigut oahppat juoidá. Vuođđoskuvla ulbmil lea addit ohppiide dáid álkes reaidduid ja vugiid, ja máhtu dan birra mo ja goas daid geavahit/atnit. 
Dábáleamos oahppanreaiddut:
  • Jurddakárta
  • Sátnekárta
  • Bálddastahttindiagrámma
  • DHO-skovvi (Dieđán - Háliidan diehtit  - Oahppat áiggun)
  • Friddjakárta
  • Loga-ja-cealkke

Oahppit fertejit oahppat reaidduid geavahit, jos dat galget leat ávkin sidjiide. Dan sáhttet oahppat ná:

  • Oahpaheaddji vállje vuos ovtta reaiddu maid son čájeha ohppiide.
  • Dasto son modellere ohppiide mo dan galgá geavahit. Oahpaheaddji sáhttá modelleremii válljet muhtin heivvolaš fágateavstta, dahje geavahit dan mii dás lea evttohuvvon.
  • Oahppit galget hárjehallat ja oahpaheaddji bagada hárjehaladettiin.
  • Oahppi geahččala ieš, muhtin eará fágateavsttain.

Heivvolaš fágateaksta:

Ealga

Ealga lea min stuorámus meahciealli. Ealga sáhttá deaddit 600 kg, muhto eanaš ealggat deddet dušše beali das. Dušše varris ealggain leat čoarvvit. 

Borrá
Ealga borrá šattuid ja  bárkku, ovssiid ja urbbiid ja lasttaid muorain. Jos fuomášat muora meahcis mas lea bárku billašuvan guokte dahje golbma mehtera bajábealde eatnama, de dieđát ealga lea fitnan das. Dat fasku bárkku eret ovdabániiguin. Ealggas eai leat ovdabánit badjin.

Láhtte
Čorvviid geavahit ragatáigge čakčat. Čorvviid dárbbašit go galget doarrut njiŋŋálasaid alde. Go ragatáigi lea nohkan, de gahččet čoarvvit eret ja ođđa čoarvvit fas šaddagohtet. Njiŋŋálas ealga oažžu ovtta dahje guokte miesi giđđat. Miesit čuvodit njiŋŋálasaid olles jagi, dassá go ožžot fas ođđa misiid.

Orru
Ealgga ruoktu lea meahcci ja smávit rabas sajit gos lea vuovdi lahkosis.


Oahpaheaddji berre láhčit oahppodili nu ahte...

  • Ohppiid ovddeš máhtu fáttá ektui aktiviserejuvvo ja son movttiiduvvo fáttá birra eambbo oahppat
  • Ohppiide leat oahppoulbmilat čielgasat
  • Oahppit dihtet mo oahppogirjjit ja fágateavsttat leat huksejuvvon
  • Oahppit dovdet oahppanstrategiijaid ja besset hárjehallat dain bargat
  • Oahppit besset ságastit ja digaštallat sihke oahpaheaddjin ja mielohppiin dan birra maid ohppet
  • Oahppit besset čállit dan birra maid leat oahppan. Čállin nanne oahppama. Dasa sáhttá geavahit/atnit čállinskoviid doarjagiin.
  • Oahppi sáhttá iskat iežas máhtu ja ahte son ádde man láhkai son galgá bargat vai oahppá.

Oahppanstrategiijat váikkuhit dán láhkai...

  • Lohkkit šaddet eambbo effektiiva ja aktiiva
  • Dat leat ávkin go oahppi áigu viežžat teavsttas dieđuid
  • Dat leat ávkin go oahppi áigu čorget dieđuid
  • Šaddá álkit sirdit ja bisuhit dieđu guhkesáiggemuittus.

 Oahppanstrategiijat anus