Mij dáppe 3

149 Gåktus vájkkut buvtadibme ja anon adnem luondo ekovuogádagájda? Anon adnem væráldin da má lassán ja lassán. Dat merkaj ahte buvtadiddje vierttiji åvvå ietjasa ájgev ådå bierggasijt buvtadit. Dasi dárbahuvvi ienep luonndoressursa. Sij gudi vuobddi luonndoressursajt, sij vierttiji ienebut ednamijt råggåt vaj gávnni ienep minerálajt, uljov ja gássav. Buvtadibme dat iesj luojttá ållo várálasj gássajt ja kjemikálajt luonduj ma vas biejssti ekovuogádagájt. Gåktus máhttet hárret, gåhtsat ja divudit luonndonuoskodimev? Mij máhttep unnedit anon adnemav. Dan sadjáj gå oasstet ådåsijt, de máhttep mij oasstet dávverijt ja biktasijt ma li årrum anon. Mij aj máhttep lånudallat iehtjádij sige dávverijt, ræjdojt ja biktasijt. Mij aj vierttip divvot ekovuogádagájt ma li bæjsstanam. Dav manná dahkat gå luojttep kálkav jávrijda ja ednamijda ma li suvra harve baktu bæjsstanam. Jus vierttip muorajt tjuollat, de galggá vas åtjudit muorajt ådå sajijda vaj muora e någå.

RkJQdWJsaXNoZXIy NDI2ODk=