Mij dáppe 3

148 Tjoahkkájgæsso – Buvtadibme ja anon adnem Buvtadibme Buvtadibme dáhpáduvvá gå mij dahkap bierggasijt, tsieggip stuorra rustigijt ja teknologijav, jali fállap muhtem dievnastusáv oasen. Dajda dárbahuvvi ållo luonndoressursa duola degu ulljo, gássa, minerála ja muora. Anon adnem Anon adnem dáhpáduvvá gå mij oasstep juokkir ådåsav. Da máhtti årrot biktasa, skuova, dåhpegálvo, el-fábmo, bensijnna, jali juokkir teknologija. Divna da bierggasa dagáduvvi luonndoressursajs. Muhtem bierggasa dagáduvvi uljos jali muoras, ietjá bierggasa vas bomullos jali bauxihtas. Ekovuogádak Ekovuogádagá li divna viessoga, divre, guole, mikroorgánisma, låtte ja sjatto ma gulluji diehto guovlluj. Divna da viesso orgánisma doajmmi aktan ja bisodi guovlo ekovuogádagáv nav gåk dat galggá doajmmat. Jiegge le muhtem ekovuogádak.

RkJQdWJsaXNoZXIy NDI2ODk=