Mij dáppe 3

13 Sámegiella Sámegiella le sámij ietjasa giella. Dat le ållu sierra lágásj gå rijkaj oajvvegiela. Sámegielan li nav ållo bágo ma giehttu luonndobargoj birra, duobddágij ja girjakvuoda birra. Sámegielan li ållo iesj- guhtik lágásj giellasuorge. Giellasuorge sjaddi gå sáme mælggadijt årru háddjot . Sámegiella lij guhkes ájgev dåssju njálmálasj giella. Ållo imálasj subttsasa li ájgijt tjadá giehtoduvvam dållågátten lávojn ja gådijn. Dajna vuogijn li giehto bisoduvvam buolvas buolvvaj gitta unnásj biejve rádjáj. Maŋenagi gå sebrudak rievdaj, de muhtema dahkin sámegielas tjállemgielav. Dálla máhtti ulmutja låhkåt ja vil aj tjállet sámegielav. Dalutjis ham de sjaddin nav ållo båva ja dålusj giehto tjáledum. Dálla de máhttep mij båvajt ja giehtojt oahppat ja låhkåt juska dal vil ep tjåhkkåha dållågátten ja gulá dajt. Sámegiella vuojnnu ja gullu sige TV:a ja radio baktu. Ja dasi duodden máhttep mij dálla tjállagijt ja girjijt låhkåt sámegiellaj. Skåvllåoahppijn le dálla rievtesvuohta oahppat låhkåt ja tjállet sámegielav skåvlån ja åhpadusáv oadtjot sámegiellaj. Jurra majt dån dálla dagá. duobddágijt duobddága li nammadusá luondon duola degu várre, liehke ja tjåhkkå girjakvuohta dat le gå ulmutjij vuojno li moattelágátja ja sjaddi degu girjaga háddjot háddjot årrot, dat le gå årudagáj gaskan le mælggat buolvva ulmusjgierdde gåhtjoduvvá aj buolvvan, duola degu gå juoga bissu buolvas buolvvaj rievtesvuohta dat le sæmmi gå rievtes, duola degu ulmusjrievtes mij le divna ulmutjij

RkJQdWJsaXNoZXIy NDI2ODk=