Mij dáppe 2

10 Fábmo juogeduvvá gålmå oassáj Sij gudi mierredi Vuona rijkan, li juogedum gålmå oas- sáj. Dat le buorre dajna gå divna fábmo ij le avta ása- dusán jali avta ulmutjin. Aktas oasse le Stuorradikke politihkkára gejt álmmuk le válljim. Sij evtudi ådå lágajt ja láhkarievddadusájt. Ja sij de vas galggi ådå lágajt ja láhkarievddadusájt dåhkki- dit jali hilggot. Stuorradikke politihkkárijn le láhkavad- de fábmo. Nubbe oasse le ráddidus. Sij galggi gæhttjat bærráj ahte ådå lága ja láhkarievddadusá doajmágåhti sebrudagán. Gånågis tjállá vuolláj ådå lágajt ja ráddedusán le de láhkatjuovvoliddje fábmo. Goalmát oasse le duobmoståvlå. Sij galggi lágaj baktu árvustallat ja gávnnat gænna le riekta jus sjaddá såhpa- mahtesvuohta . Dat gåhtjuduvvá duobbmijiddje fábmo. Vuona Sámedikken ij le fábmo ásadit jali rievddadit lá- gajt. Sámedigge dat doajmmá degu ráddevadden Stuor- radigge æktuj. Stuorradigge ja ráddidus galggaba Vuo- na Sámedikke oajvvelijt ja tjielgadusájt árvustallat åvddåla gå ådå lága jali láhkariveddadusá dåhkkiduvvi. såhpamahtesvuohta le gå muhtema e nagá så- badit ja boahtet avta oajvvelij