Servodatoahppu 8-10 - page 56

54
Sámiid irgideapmi ja vuostálastin
«Sámegánddat álget juo irgidit guhttanuppelot jagi rájes.
Muhto dalle leat vuos dego viercalábbát - dat irgidit juohke
niidii gean fáhtejit okto. Muhto olbmuid oainnedettiin dat
illá dustet oppa geahččat ge. Ja sii atnet dan irgidanvuogi
gitta dassážii go gihládit, vaikko šattašedje man boarisin»,
muitaluvvo Deanuleagis ovdal soađi.
Jáhkovuonas lávejedje bártnit fas irgidit dán láhkai, čállá
Anders Larsen (1875-1949): «Go sii liikogohte ovtta niidii, de
geahččaledje sii váldit ja gaikut fáhca nieidda gieđas eret.
Jos son suovvá bártni dan dahkat, de máksá dan ahte nieida
atná mielaid dan bárdnái, ii goit bija vuostái. Muhto jos
nieida ii suova bártni fáhca váldit, de máksá dan ahte nieida
ii fuola su.»
Lemet maid lei háhkan gihliid, maid háliidii addit Márehii, gii
dalámaŋŋá soađi lei báhcán leaskan. Máret ásai muhtun gilis
Deanuleagis, ja guovllu boares bártnit irgidišgohte sutnje.
Muhto ii ovttas ge lean coakci. Lemet maid mielaskuttai
Márehii, muhto ii orron arvamin dáhttut su alcces eamidin,
erenoamážit danne go Máret lei hilgon duoid earáid. Muhto
duoid earáin ii lean mielde soagŋoolmmoš, mii lei várra
sivvan dasa ahte Máret hilggui sin, oaivvildedje muhtumat.
Nu rávvejedje Lemeha geavahit soagŋoalbmá, gii sáhtášii
hállat Lemeha ovddas. Lemet oaččui soagŋoalmmájin
báikki gudnejahttojuvvon olbmo, gii leŋgestii heasttas ja
nu vuoddjáiga Máreha geahčái. Dađe bahábut soai leigga
ribahan jugistit menddo ollu viinni ja vujiiga Máreha stohpo­
boardaga njeaiga nu ahte dat njeazzasii. Máret lohkkadii/
lássii uvssa, ja nu nogai dasa dat soagŋohommá.
Gieskat šattai muhtun dálon-bárdni vásihit garra vuostá­
lastima. Son lei irgidišgoahtán niidii, gii gulai hui dovddus
boazodoallo-sohkii. Nieidda oabbá – hui čeavlás olmmoš
– ii liikon dasa. Son njágai dállui gosa bárra leigga mannan
ijastallat. Čáhcegievdni gieđas son rabastii oađđinlanja
uvssa ja diškii čázi sudno ala láhttestettiin: Duo dudnuide vai
himut čásket!
gihládit:
gi festegave
1...,46,47,48,49,50,51,52,53,54,55 57,58,59,60,61,62,63,64,65,66,...340
Powered by FlippingBook