Servodatoahppu 8-10 - page 234

232
Buot davviriikkat váldet vuhtii dan ahte jus mánát ja nuorat
rihkkot lágaid, de lea dárbu váldit atnui sierra doaimmaid go
daid maid dahket rávisolbmuid ektui.
Dat mearkkaša ovdamearkka dihtii dan ahte riikkain lea
oktasašbargu politiijaid, áššáskuhttineiseválddiid ja sosiála­
eiseválddiid gaskkas nuoraid hárrái geat leat dahkan krimi­
nalitehta. Erenoamážit čadno mánáidsuodjalus áššái.
Riidočoavdinráđđi
Várra lea din skuvllas ge ohppiid-soabaheapmi? Dalle várra
diehtibehtet juo juoidá mo riidočoavdinráđđi sáhttá doai­
bmat. Jurddan lea ahte son gii lea dahkan juoidá boastut,
galgá deaivat su gii lea gillán dan. Dalle boahtá dovdat mo
nubbi lea gillán. Ovttas, ja earáid vehkiin, gávdnaba de buriid
čovdosiid mat leat dohkálaččat guktuide.
Jagi 1991 dohkkehii Stuorradiggi riidočoavdinráđi soaba­
hanlága. Dalle mearriduvvui ahte juohke gielda dahje
suohkan galgá ásahit riidočoavdinráđi. Stáhta máksá buot
goluid, nu ahte lea nuvttá geavahit riidočoavdinráđi.
Riidočoavdinráđđi galgá gieđahallat sihke ráŋggáštusáššiid
ja siviilaáššiid. Stuorradiggi deattuhii maiddái dan ahte
riidočoavdinráđđi sáhttá meannudit kriminála áššiid maid
kriminála vuolleagi nuorat (15) leat dahkan.
Riidočoavdinráđi áššiid mearri lea lassánan jagis jahkái.
MUITTÁT GO?
1 Makkár ráŋggáštusvuogit leat mis?
2 Mii lea rájus?
3 Mii lea kriminálafuolahus friddjavuođas?
4 Mii lea servodatráŋggáštus?
5 Mii lea áššáskuhttinheaitta ja goas dat geavahuvvo?
6 Mii lea kriminála vuolleahki Norggas?
7 Makkár áššiid gieđahallet riidočoavdinráđis?
mánáidsuodjalus:
barnevern
riidočoavdinráđđi:
konfliktråd
soabaheapmi:
mekling
kriminála vuolleahki:
kriminell
lavalder
1...,224,225,226,227,228,229,230,231,232,233 235,236,237,238,239,240,241,242,243,244,...340
Powered by FlippingBook