Servodatoahppu 8-10 - page 204

202
Dutkkalmasat
Politiija ja ambulánsa bohte johtilit. Muhtun meattá johtti
olmmoš lei dieđihan go lei gávdnan Jovnna veallut geaidno-
guoras maŋŋá go rievideaddjit ledje jávkan. Jovnna
dolvojuvvui hoahpus buohccevissui, ja politiija dutkkai ja
govvii saji. Moadde nuora geat ledje oaidnán dáhpáhusa,
dalá maŋŋá dieđihedje iežaset vihtanin.
Jovnna lei vásihan
roavva
rievideami
ja
albmasuoiggi
. Sus
ledje suoládan 200 kruvnno ja giehtadiimmu. Muhto buot
vearrámusat ledje váttut maid lei ožžon čielgái, bániide
ja njunnái. Golle máŋga beaivvi ovdal go nagodii čilget
politiijaide makkárat rievideaddji-guovttos leigga.
Muhto meattá johtti nuoraguovttos geat leigga oaidnán
dáhpáhusa, sáhtiiga bures čilget politiijaide makkárat
rievideaddji-guovttos leigga. Dat dagai ahte politiijat ožžo
buriid
dovddaldagaid
rievideaddji-guoktá birra. Politiijat
ožžo dalán dan jáhku ahte dáid leigga dahkan guokte
nuorra dievddu geat máŋgii juo leigga dahkan sullasaš
daguid. Danne go politiijain ledje juo ollu dieđut sudno
birra. Politiijain ledje sin arkiivvas namma ja orrunsaji
dieđut ja govat sudnos. Govat ledje seaguhuvvon eará
áibbas amas govaid sisa, muhto vihtan-guovttos dovddaiga
vearredahkkiid geat leigga illástan Jovnna viehka fasttet.
Gittaváldin
Politiijat sáhtte de váldit gitta vearredahkkiid. Máhtte váldui
ruovttus ja moadde beaivvi maŋŋá váldui vel Lásse ge
muhtun nieidaskihpára luhtte.
Guktot šiittiiga vearredagu, muhto dattege válduiga soai
gitta ja dolvojuvvuiga politiijavissui. Dohko manadettiin
eaba beassan humadit gaskaneaskka ja biddjojuvvuiga
goabbat dutkanlatnjii. Dáppe sudno dutkkadii politiija.
dutkkalmas:
etterforskning
vihtan
: vitne
albmasuoigi
: legemsskade
dovddaldat:
signalement
illástit:
mishandle
1...,194,195,196,197,198,199,200,201,202,203 205,206,207,208,209,210,211,212,213,214,...340
Powered by FlippingBook