Servodatoahppu 8-10 - page 183

181
Ođđasat maid beaivválaččat oaidnit ja gullat, leat vállje­
juvvon dahje čuldojuvvon.
Doaimmahus
mearrida mat
galget leat mielde ođđasiin; dat ferte válljet miehtá máilmmi
ođđasiid gaskkas. Ii leat sadji buot ođđasiidda. Doaimmahus
árvvoštallá mat leat áigeguovdilis ja dehálamos ođđasat
ulbmiljoavkku ektui. Lassin ožžot doaimmahusat dieđuid
stuorra ođasdoaimmahagain.
Muittát go?
1 Mii lea njealját stáhtafápmu?
2 Mat leat dehálamos joavkodieđihanmediat?
3 Makkár doaimmat leat joavkodieđihanmediain?
4 Maid mearkkaša dárkkástus media oktavuođas?
5 Maid mearkkaša čuoldit ođđasiid?
Oza dieđuid iešguđet mediain
Ii leat doarvái midjiide oažžut ođđasiid dušše tv:s jus galgat
oažžut čielga gova mii dáhpáhuvvá máilmmis. Fertet
maiddái lohkat áviissaid, girjjiid ja guldalit radio ja ohcat
eanet dieđuid interneahtas. Áviissain lea ovdamearkka dihtii
buoret áigi ja vejolaš čilget dáhpáhusaid sivaid, ja mii sáhttit
ieža mearridit leavttu. Iešguđet mediat almmuhit ođđasiid
iešguđet láhkai ja addet daidda iešguđet áiggi ja saji. Mediat
devdet muhtin láhkai guđetguimmiid saji.
Leat iešguđet lágan áddejumit mii lea stuorra ođas, muhto
mediamáilmmis gávdnojit muhtin lágan njuolggadusat
man láhkai journalisttat árvvoštallat ođđasiid:
• Dáhpáhus šaddá stuorát ođasin dađe lagat
geográfalaččat min dat dáhpáhuvvá, dahje jus norgalaš
dahje sápmelaš lea seaguhuvvon.
• «Maŋemuš ođas» lea dehálamos ja eanemus áigeguovdil.
• Ođas berre áinnas leat eahpedábálaš, áinnas dramatihka­
laš.
• Ođas berre áinnas čuohcit dovdduide.
čuoldit ođđasiid:
dás: sile nyheter
doaimmahus:
redaksjon
doaimmahat:
byrå
1...,173,174,175,176,177,178,179,180,181,182 184,185,186,187,188,189,190,191,192,193,...340
Powered by FlippingBook