Servodatoahppu 8-10 - page 114

112
1880-logus politihkalaš riiddut, maid birra sáhtát eambbo
lohkat historjágirjjiin, váikkuhedje dasa ahte Gurutbellodat
ja Olgešbellodat vuođđuduvvojedje. Muhtin jagi maŋŋá
vuođđuduvvui maiddái Bargiidbellodat, ja dan rájes leat
vuođđuduvvon eanet bellodagat. Norgga ektui gos leat
ollu bellodagat, de leat USA:s ja Stuorrabritánnas uhccán
bellodagat.
Stuorradikkis lea iežas neahttasiidu. Das sáhtát lohkat mo
Stuorradiggi lea huksejuvvon, ja daid doaimmaid birra:
www.
stortinget.no
Stuorradiggeválga
Norgga bellodagat rekruterejit persovnnaid guovddášlaš
ja báikkálaš politihkalaš virggiide. Eanaš bellodagat barget
aktiivvalaččat oččodit sin bellodatmiellahtuid dehálaš
posišuvnnaide. Bellodagain maiddái lea erenoamáš dehá­
laš bargu čatnat oktavuođa jienasteddjiid ja válljejuvvon
politihkkáriid gaskkas. Bellodagat dárbbašit aktiiva báikká­
laš organisašuvnnaid nu ahte Stuorradikki, fylkkadikkiid
ja gielddaid/suohkaniid politihkkárat nákcejit doalahit
oktavuođa jienasteddjiiguin. Jus nu ii geava, de šaddá
menddo stuorra gaska jienasteddjiid ja válljejuvvon poli­
tihkkáriidgaskkas. Nu sáhttit oažžut politihkalaš jođihangotti
mas ii leat oktavuohta jienasteddjiiguin.
Jus galggat beassat jienastit stuorradiggeválgii, de:
• ferte leat norgga stáhtaboargár
• ferte leat
jienastuslogus
• ferte leat deavdán 18 jagi válgajagi
• ii galgga leat massán jienastanvuoigatvuođa
Man láhkai vuođđuduvvo ráđđehus?
Formálalaččat lea Gonagas gii bivdá dan bellodaga, mii
lea ožžon buhtes eanetlogu (eanet go 50 proseantta
stuorradiggeáirasiin) válggas, vuođđudit ráđđehusa. Jus ii
oktage bellodat leat ožžon eanetlogu, de sáhttá dat bellodat
mii lea ožžon eanemus jienaid, vuođđudit unnitlohko­
jođihangoddi:
lederskap
1...,104,105,106,107,108,109,110,111,112,113 115,116,117,118,119,120,121,122,123,124,...340
Powered by FlippingBook